Master X. X.

Xerex Xaviera. Siya ang Charo Santos ng Abante at Abante-Tonite. Pareho silang naglalahad ng mga kwento sa anyo ng mga sulat na ipinapadala ng mga masugid nilang mambabasa.

Mayroon laman silang maliit na pagkakaiba. Ang una papatuluin ang luha mo; ang sumunod naman e iba ang papatuluin sa iyo.

Noong labing-isang taong gulang pa lamang ako, Abante at Abante-Tonite ang dyaryo na inirarasyon sa bahay. Abante kapag MWF at Abante-Tonite naman kapag TTH. Ito ang gusto ng nanay ko dahil ultimo headline ng dyaryong ito e tsismis. Ako naman e walang kahilig-lihig noon na magbasa ng mga dyaryo kaya hindi ko ito pinapansin kahit pakalat-kalat lang ito sa loob ng bahay namin.

Isang Miyerkules, bumisita sa bahay namin si Kuya Ryan, pinsang-buo ko. Ang tantsa ko e mga labing-siyam na taon na siya noon. Kumuha siya ng dyaryo na nakakalat sa sala namin. Binuklat niya ito sa pahina kung saan may krosword puzzle at saka nagbasa ng tahimik. Maya maya pa e tinanong niya ako kung asaan raw yung dyaryo namin nung Lunes.

"Nasa bodega." Sagot ko.

"Ah, pwedeng mahiram?" Tanong naman niya.

"Teka, ano ba kasi yung binabasa mo?"

"Basta. Hindi pambata." Mariin niyang sagot.

Dahil doon e hindi na ako nagtanong pa at kinuha ko na lang yung dyaryo namin noong lunes at ibinigay sa kanya. Maya-maya pa e nagtanong ulit siya. Kung pwede raw mahiram yung pam-Biyernes. Siya na lang ang pinakuha ko dahil alam na naman niya kung saan nakalagay ang mga ito. Nagpatuloy lang ang ganitong eksena hanggang maisipan niyang umuwi na.

Siyempre dahil isa akong napaka-usiserong bata e kumuha ako ng dyaryo at binuklat ko doon sa pahinang may krosword. Pagtingin ko doon ay tumambad sa akin ang kolum ni Xerex Xaviera, binasa ko ito at di ko namalayan, e kinukuha ko na rin yung mga nakaraang dyaryo.

Simula noon e lagi na akong nagbabasa ng dyaryo. Hehe! Pinuri pa ako ng nanay ko na marunong na raw akong magbasa ng dyaryo. Hindi na raw pulos laro ang inaatupag ko. Ang hindi nila alam e kolum lang ni Xerex ang binabasa ko. Bukod sa alam niyo na, e maganda rin ang mga istorya nito kaya nakaka-adik talaga.

Hindi ko naiintindihan lahat ng nababasa ko pero kahit papaano ay mayroon akong ideya kung ano yung mga yun. Malawak naman kasi ang imahinasyon ko, lalo na noong bata pa ako. Sa pagbabasa ng kolum niya ako unang naramdaman ang libog. Hehe! At bukod "doon" ay marami akong natutunang salita gaya ng: pulandit, rurok, tarugo, pearly shell, hiyas, ayuda, tahong at kung anu-ano pa.

Tsk, tsk, Eto na ang masaklap. Nahuli akong nagbabasa ng Xerex ng nanay ko! Nagalit siya dahil hindi nga raw pambata iyon. Laking lungkot ko na lang kinabukasan ng Tempo ang inirasyon na dyaryo at hindi Abante.

Dahil doon, e natuto akong dumukot ng limang-piso sa pitaka ng nanay ko (hanggang dalawang-piso lang ang kaya kong dukutin noon) para ipambili ng Abante at para masubaybayan si Xerex. Pagkabili ko ng dyaryo e itinutupi ko ito hanggang sa maging maliit ito na parisukat na siya namang iniipit ko sa garter ng brip ko para hindi makita ng nanay ko. Didiretso ako sa kwarto ko at saka ako magkukulong para makapagbasa. Hehe!

Nagpatuloy lang ang bisyo kong ito hanggang dumating ang araw na itinigil na ang kolum niya. Laking lungkot ko nung araw na iyon. Hindi ko alam kung bakit nawala yung kolum niya. Basta pagkatapos nung huling kwento e basta na lang siyang nawala. Ni hindi ko man lang nalaman kung babae ba siya o lalaki! Hehe!

Idol ko si Xerex! Hehe! Siya ang aking master. Sa kanya namulat ang isip ko ukol sa bagay na pilit na itinatatwa at binabansagang imoral ng mga tao. Sa kanya ko natutunan na hindi dapat pandirihan ang sex dahil isa ito sa pinakamaganda at sagradong bagay dito sa mundo.

Hanggang ngayon ay hindi ko pa rin maintindihan kung ano ang masama sa salitang sex, kantot, tite, puke atbp. Kung bakit tinatawag ang mga itong imoral, masama at nakakadiri.

Mga ipokrito.

Tag-tarag-tag-tag...I've been tagged!

Dalawang beses na akong na-tag kaya eto na. Pasensiya na Louise at Eloiski kung sobrang late!

(Louise) 6 weird things about me:

1. Natatawa ako kapag nababanggit ang pangalang "Jamie Rivera."

2. Tawa ako nga tawa nung nabalitaan ko kagabi na nasagasaan si Valerie Concepcion. Nadismaya ako nung nalaman kong pasa lang ang inabot niya. (Parang hindi weird to--masama.)

3. Tumatawa raw ako kapag tulog.

4. Mahilig akong magmasid ng mga tao sa paligid tapos ginagawan ko sila ng biography. Ginagawan ko sila ng lovelife at kung anu-ano pa. Pinag-uugnay ko rin ang mga kwento nila sa mga iba pang tao sa paligid. Dina-dubb ko rin yung mga sinasabi nila.

5. Mahilig akong gumawa ng sound effects at background music.

Halimbawa: Pinapagalitan ng nanay ko yung kapatid ko. Habang nasa kainitan sila ng sigawan, ako naman e gagawa ng mga background music at effects gaya ng "The king of iron fist tournament five! Ten-ten-ten-tenen-tenten-ten-ten-tenen...Mama versus Andre! Get ready for your next battle!" Kapag nagkapaluan na e may mga "blag! bog! wapak!" akong sound effects.

Mga tipong ganun.

6. Mayabang ako pero pessimist ako at walang confidence. Mahirap ipaliwanag to.

Weird ba tong mga to?

Teka, define weird muna.

***

(Eloiski) Mga kinaadikan ko ngayon.

1. Tomb Raider Anniversary (50%) - Nangangati na ang yagbols ko kaiintay sa release nito.

2. French Open 2007 (20%) - Bukas na to kaya dalawang linggo na naman akong manunuod ng tennis mula 5pm hanggang 3am.

3. Final Fantasy XII (10%) - Di pa ako nangangalahati pero mahilig kasi akong magpa-over level ng mga characters kaya hindi ako makaungos sa storyline.

4. Haruki Murakami (10%) - Tunay na nakakaadik ang awtor na ito.

5. Pancit Canton (5%) - Sino bang hindi?

6. Internet (5%) - Pero kung hindi kami broadband malamang hindi.

***

Ngayon wala akong maisip kung sino ita-tag ko!

Kaya ganito nalang, tina-tag ko kung sino man ang makabasa nito na gwapo at maganda!

Sino?

Ire-remake ng GMA-7 ang Marimar. Si Angel Locsin ang gaganap bilang si Marimar at si Dingdingdongdong Dantes naman bilang Sergio.

Ngayon, eto ang problema ko...

Sino ang gaganap na Corazon?

Ang problema naman ng aking kaibigang si Louise e kung sino naman ang magboboses kay Fulgoso.

Sino? Sino? Sino?

Kung si Michael V ang gaganap na Corazon at kung si Big Brother ang magboboses kay Fulgoso...

Tsk, tsk, tsk. Baka manuod ako ng Marimar.

GMA-7, tigilan niyo na ang pagsira sa mga childhood heroes namin

Kamakailan kay nabalitaan kong i-reremake ninyo ang Shaider. Takte, pati si Shaider hindi niyo pinalampas! Talaga bang wala na kayong maisip na orihinal na konsepto kaya puro rip-off, adaptation at remake na lang ang ginagawa niyo?

Eksibit 1: Asian Treasures

Sinong tanga ang hindi makakapansin na ang Asian Treasures niyo ay hybrid ng Indiana Jones at Tomb Raider? Saka ang creative ng title niyo, parang isang taong pinag-isipan.

Eksibit 2: Captain Barbell

I-cut si Captain Barbell tapos i-paste sa storyline ng Smallville. Tapos.

Eksibit 3: Super Twins

Ang pinaghalong Sailor Moon at Amazing Twins.

Isa na namang napa-creative na title. At kapag narinig niyo ang mga sandata nila gaya ng Super Duper Sword mapapaisip na lang kayo kung mga college graduates o mga kindergarten students ang bumubuo sa creative team nitong palabas na ito.





Eto ang malupit:

"If you find similarities, it is outright coincidental. Hindi po ako nakakapanood ng Sailor Moon and Amazing Twins." - Dominic Zapata, direktor ng Super Twins.

Coincidental o sinadya talaga na maging coincidental?

Hindi ka pa nakakapanuod ng Sailor Moon?

Ulul.

Eksibit 4: Lupin

Dito talaga ako nabuwisit. Sa pagkakaalala ko e cool si Lupin. Yung tipong gusto mo na ring maging magnanakaw dahil napakagaling niya. Ayaw mo rin siyang mahuli ng Interpol at kung mahuli man siya e gusto mo siyang makatakas. Hindi katulad kapag nakikita ko si Richard--gusto ko siyang mabitay.

Eksibit 5: Shaider

Kung i-reremake niyo ito e siguraduhin niyong mas maganda ang effects niyo sa original. Tangina, 1984 unang ipinalabas to nakakahiya naman kung mas supot pa ang efffects niyo.

Takte, kaya niyo bang ipakita ang dilaw na panty ni Annie?

At hulaan niyo nga pala kung sino ang magdidirek nito. Tama, si Dominic Zapata na direktor din ng Super Twins na hindi alam kung ano ang Sailor Moon. Gud lak sa pagbaboy sa unang childhood hero ko.

Pero ngayong inisip ko yun, hindi mo na pala kailangan ng gud lak ko.

At kung buhay pa ngayon si Hiroshi Tsuburaya (Alexis/Shaider), e babangon yun mula sa puntod niya, para sabihin sa inyo na "BAKERO!"

Shigi, shigi...babuyan na!

***

Nakakaasar kapag nakikita kong binababoy yung mga palabas at heroes noong kabataan ko. Para bang nakakagago, lalo na kapag nakikita mong ang pangit ng pagkakagaya o gawa sa palabas.

Oo, may rights sila sa Lupin at Shaider pero hindi ibig sabihin nito na pwede na nilang babuyin ito. Sana ayusin naman nila ang pag-remake sa mga ito. Hindi yung bara-bara na lang may maipalabas lang.

Hindi ko tuloy maiwasang isipin na ganito ang pag-uusap ng creative team nila...

Member 1: Pare, ano isusunod nating gawing project?
Member 2: Pare, Slam Dunk!
Member 1: Oo nga mukhang maganda nga yan. Sinu-sino kaya ang pwedeng maging cast?
Member 2: Pwedeng si Richard Gutierrez ang gumanap sa buong Shohoku! Babaguhin na lang natin ang hitsura niya para makamukha niya sina Rukawa, Mitsui...tapos sabay-sabay nating ipe-paste sa mga scene.
Member 1: E paano yung Ryonan?
Member 2: Siyempre si Dennis Trillo yung buong team ng Ryonan. Gago ka ba pare? Sila lang naman ang artista natin e.
Member 1 : Ay, tekputs, oo nga pala. So malamang si Angel Locsin na si Aya?
Member 2: Oo, gago. Siya lang naman ang artista nating babae dito e.
Member 3: Bad news, mga repapips. Hindi natin nakuha ang rights sa Slam Dunk!
Members 1and 2: Ano?!
Member 3: Panu na yan? Hindi na tuloy?
Member 2: Hindi pare palitan na lang natin ng title! Yung parang ginawa sa Super Twins!
Member 3: E anung ipapalit natin?
Member 1: SUPER BALLS! Pwede ring SUPER DUNKERS!
Members 2 and 3: Tangina, panalo yan! Shiyet may project na tayo!

***

Patawarin niyo ako kung fans kayo ng mga sumusunod. Naasar lang talaga ako. Sana huli na yang Shaider. Baka mamaya makarinig ako ng remake ng Maskman. Kung ganoon ang mangyari, tangina, Aura Power na!

Ang Placenta ni Mystica

Disclaimer: Lahat ng mababasa niyo dito ay pawang mga kathang-isip laman ng kyut na si Poli. Huwag paniwalaan. Ang larawan ay galing dito

Marahil ay narinig o nakita niyo na ang produktong ito. Tae, baka nga gumagamit pa kayo nito e! Siyempre nung una ko tong nakita, e humagalpak ako sa kakatawa. Ang placenta ni Mystica. Nyahahaha!

Halos lahat ng tao dito sa Pilipinas e gustong magkaroon ng maputi at batam-batang kutis--ito mismo ang pangako ng sabong Placenta. Iyon e kung maatim mong ikuskus ang placenta ni Mystica sa katawan mo--lalo na sa mukha mo. Placenta ni Karolina Kurkova pwede pa, pero placenta ni Mystica? Takte, wag na uy!

Siyempre tinanong ko ang aking sarili, "Paano naman kaya nila nakukuha yung mga placenta na ginagamit nila?"

Eto ang ilan sa aking mga teorya:

1. Ang Teorya ng Walang-puknat na Kadyutan
-Ikukulong si Mystica sa isang laboratoryo na puno ng mga sanggano at sunog-baga. Walang ibang gagawin si Mystica kungdi magpabuntis sa mga ito. Pagkapanganak e kukunin ang placenta niya na gagawin sabon. Matapos yun, e "back to business" na naman sila.

2. Ang Teorya ng Pabrika ng Walang-puknat na Kadyutan
-Naisip ko na kung si Mystica lang ang kakadyot este kakayod, e hindi sila makakapag-mass produce. Kaya naman naisip ko na baka mayroong pabrika kung saan ang mga babaeng trabahador e walang gagawin kungdi humiga at bumukaka. Ang mga lalaking trabahador naman e walang gagawin kungdi mag-Happy New Year.

Sa ganitong paraan, mas madali at mas maraming placenta ang mailalabas at magagamit. Bukod dun e mababawasan ang hirap at hapdi ng ano ni Mystica.

3. Ang Teorya ng Isplit
- Mag-iisplit si Mystica ng paulit-ulit hanggang labasan siya ng placenta--kahit hindi siya buntis.

4. Ang Teorya ng mga Ward Raiders
-Magpapakalat ang kumpanya ng mga agents o mga Ward Raiders sa iba't ibang delivery wards dito sa Pilipinas. Ang bawat agent ay pupunta sa bawat kama ng mga delivery wards upang manghingi ng placenta sa mga nanay na bagong panganak. Kapag nakahingi na sila, e isisilid nila ito sa isang malaki at kulay asul na supot ng SM.

Kinakailangang maabot nila ang limampung (50) placenta na quota bawat araw. Kung hindi ay sa Pabrika ng Walang-puknat na Kadyutan ang bagsak nila. Swerte mo kung lalaki ka. Malas mo naman kung babae ka.

5. Ang Teorya ng Placenta Pyramid-ing
-Gaya ng bilang 4, e magpapakalat ang kumpanya ng mga agents sa Pilipinas upang maghanap ng mga buntis na pwedeng kontratahin para sa kanilang placenta. Kapag nagkaroon na ng kasunduan sa pagitan ng buntis at ng agent, e kinakailangang mag-refer ang kinontratang buntis ng hindi bababa sa lima pang buntis na magbibigay ng kanilang placenta sa kumpanya.

Kapag mas maraming na-refer ang buntis, e mas maraming points ang matatamasa niya. Ang mga points namang ito ang magsisilbing coupon na pwedeng nilang ipapalit sa kanilang mga suking tindahan upang makakuha sila libreng gatas, diapers, Pog cards at Pog slammers.

***
Siyempre ang saya siguro kung ganito talaga ang mga pangyayari, pero hindi. Hindi pala placenta ng tao kungdi placenta ng HALAMAN ang ginagamit sa mga produktong ito.

Tae, ang korni tuloy!

Maligayang Araw ng mga Nanay!

Sige na! Yakapin at halikan mo na ang iyong nanay! Sabihin mong mahal mo siya! Sa dami ng kunsumisyon, kasalanan at katarantaduhan na dulot ng salot na ikaw e kahit yun man lang e maibigay niyo! Hehe!

Aba, kahit palengkera, pakialamera at bungangera yan e pasalamat ka at may concern siya sa'yo!

Aba, kahit disgrasyada ang nanay mo noong dalaga siya e pasalamat ka at pinili niyang buhayin ka!

Aba, kahit isa kang menopause baby e pasalamat ka at hindi siya sumuko para mabuo ka!

Aba, kahit itlog at hotdog lang ang kayang lutuin ng nanay mo e pasalamat ka at ipinagluluto ka!

Aba, kahit walang tulog yan e pasalamat ka at hindi ka niyan makakaligtaang gisingin sa umaga kapag hindi ka nakapag-alarm!

Aba, kahit hindi nakatapos ng pag-aaral yan e pasalamat ka at kayod marino pa rin yan!

Aba, kahit mabuntis, makabuntis, mag-adik at magkandaloko-loko ang buhay mo dahil hindi mo sinusunod ang mga payo niya e pasalamat ka at hindi ka niya kayang tiisin!

Aba, kahit hindi mo na siya itinuturing na ina e pasalamat ka at habambuhay ka niyang ituturing na anak!

***

Maligayang Araw ng mga Nanay rin sa ating Inang Bayan. Ang pinakamagandang regalong maibibibay natin sa kanya e ang pagboto bukas sa halalan. Kung nag-register ka e bumoto ka!

Ang isang boto ay katumbas ng isang protesta. Protesta laban sa tiwali at mapang-abusong gobyerno.

Ang Sweet ng Nanay Ko!

Kaninang umaga, naisipan ng aking mahal na ina na linisin ang aking kwarto. Hindi niya raw kasi alam kung paano ako nananatiling buhay sa kwarto kong inihalintulad niya sa isang kural ng baboy. Noong umpisa ay ayaw ko dahil ang paglilinis niya ng kwarto ko ay nangangahulugan lamang na hindi ko na alam kung saan ko hahanapin ang mga gamit ko. Pero dahil mapilit siya ay hinayaan ko na lang siya.

Habang naglilinis siya ay naglalaro naman ako ng Final Fantasy XII sa aming sala. Nang mapansin kong mali ang memory card na naisaksak ko e bumalik ako sa kwarto ko para kunin ang isa ko pang memory card. Pagpasok ko sa aking kwarto ay isang kahindik-hindik na bagay ang tumambad sa akin...

Ang bag na tinataguan ko ng aking maliit na DVD koleksyon ng HENTAI ay nasa sahig--walang laman. Kinabahan ako! Baka kasi sinusunog na ng nanay ko ang mga iyon o dinudurog na sa almeres.

Bago ako bumaba para tanungin ang nanay ko, ay may napansin akong maliit na kahon sa ilalim ng aking kama. Binuksan ko ito at WOW--andun lahat ng DVD ko. Maayos ang pagkakasalansan at ang mga DVD ay nasa tama nilang lalagyanan. Ang sweet!

Bumaba ako at kinausap ang aking nanay:

Ako: Ma, ang sweet mo naman.

Nanay: Bakit ako sweet?

Ako: E, inayos mo pala ang mga bold na DVD ko.

Nanay: Oo! Ang dami-dami! San mo ba nakukuha yun?

Ako: E di binibili ko! Sweet mo talaga!

Nanay: Oo! Ang mas sweet e kapag nakita yan ng mga kapatid mo!

Ako: Happy Mothers' Day! (sabay yakap)

Nanay: Tanga! Hindi pa Mothers' Day ngayon!

Ako: Kelan ba? E di advance!

Nanay: Aba malay ko kung kailan ano!

Ako: Ano ba gusto mong regalo?!

Nanay: Ulul, sa pera ko rin naman galing yung ireregalo mo sa akin no! Kaya huwag na lang.

Ako: E di kiss na lang?!

Nanay: Ay naku mas lalong ayoko! Hindi ka marunong maglinis ng kwarto mo e! Napakaburara mo na, NAPAKALIBOG mo pa!

Ako: Mana, mana lang yan Ma.

Nanay: Adik ka. Huwag ka munang mambubuntis ha?

Ako: Mas adik ka Ma!

Malibog raw ako?! Hindi naman a! Isang curious na bata lang talaga ako!

Mga Pagninilaynilay sa Ispayder-Man 3

Napanood ko na rin sa wakas ang pelikulang Spider-Man 3. OK siya. Hindi niya ako masyadong napa-WOW di tulad noong napanuod ko ang pelikulang Super B ni Rufa Mae Quinto sa Cinema One.

Ang pinakanagustuhan kong parte ng pelikula ay ang mga fighting sequences--astig. Pero sa aking mga mata, hindi pa rin nito natalo ang fighting sequence nina Chun-Li at Vega sa Street Fighter 2 The Movie (animation) kung saan magsasawa ka sa mga pantyshots ni Chun-Li. Eto ang link: Chun-Li vs Vega

Ang isa ko pang nagustuhan dito e yung mga parteng comedy. Mas nagustuhan ko si Peter Parker (Tobey Maguire) kapag suot niya ang itim na Spidey suit dahil para siyang ewan. Nakakatawa ang pagkakaroon niya ng bangs tuwing nag-iiba ang personalidad niya.

Ang hindi ko naman nagustuhan ay ang pagkakaroon ng pelikula ng maraming villains. Mas maganda kasi yung meron ka talagang isang nilalang na kaiinisan. Hindi ko tuloy alam kung kanino ako mas maiinis kung kay Sandman o kay Venom. At para sa akin, ang isang villain ay napakahalaga dahil siya kadalasan ang nagdidikta ng magiging galaw ng ibang tauhan at kwento ng pelikula. At dahil marami nga sila, hindi nabigyan masyado ng importansya ang mga kwento nila.

Ang isa ko pang hindi nagustuhan ay ang pagiging "predictable" ng pelikulang ito. Alam na alam mong magsasanib sa huli ang mga kalaban at kakampi naman kay Spider-Man si New Goblin. Marami ring masyadong nangyayari sa pelikula kaya minsa e hilaw ang dating.

Kung susumahin ay maganda naman ang pelikula ngunit kung ikukumpara sa mga nakaraang Spider-Man ay siguradong ito ang nasa ibaba ng listahan.

Syempre habang nanunuod ako, hindi ko maiwasang makapansin ng kung anu-anong walang kwentang bagay:

-Mataba si Tobey Maguire sa pelikulang ito.

-Pareho kaming may double-chin at pareho rin kaming "baktong" ni Tobey Maguire.

-Hindi uso kina Mary Jane at Harry Osborn/New Goblin (James Franco) ang pagsisipilyo ng ngipin.

-Sa unang fighting sequence sa pagitan nina Spider-Man at New Goblin, halos madurog na lahat ng building pero buhay pa rin sila. Ngunit ng tumama ang ulo ni New Goblin sa isang bakal na tubo e natepok agad siya.

-Wala man lang akong nakitang dugo na lumabas noong nasaksak si New Goblin.

-Mataas magsuot ng pantalon si Flint Marko/Sandman (Thomas Haden Church).

-Noong nahulog ung pera na dala-dala ni Sandman sa laban nila ni Spider-Man sa subway e nakaplastik ito. Ngunit ng bumagsak ito sa lapag e nawala bigla yung plastik at hamakin mong ayus na ayos pa rin ang pagkakasalansan nito.

-Sigurado ang lola ni Peter Parker na magkasukat ang daliri nila ni Mary Jane.

At higit sa lahat...

-Maayos pa rin ang buhok ni Peter Parker kapag tinatanggal niya ang head suit niya. Hindi man lang ito pinagpapawisan o dumadapa. Soft at bouncy pa rin ika nga.

Ubos na ang Malilinis kong Brip

Ang init. Parang isinalang ang Pilipinas sa loob ng isang higanteng pugon na nag-uumapaw sa nagliliyab na kahoy na panggatong. Pagkahango, ay iiipit naman sa isang mamasa-masa at higanteng kili-kili.

Ayos naman sa akin kung mainit--lang. E ang kaso, bukod sa mainit e napaka-humid o lagkit ng hangin. Kahit ang pinakamaaliit na galaw ng iyong katawan ay magpapabunsod sa iyong mga iswet glands upang maglabas ng pawis. Yun bang tipong nakaupo ka lang sa isang sulok habang ginagawa mong carbon dioxide ang oxygen e pinagpapawisan ka na kaagad.

Siguro, kung tinipon ko ang bawat butil ng pawis na lumubas mula sa aking balat ngayong bakasyon e nasolusyunan ko na ang tag-tuyot at ang kawalan ng tubig na maiinom sa Aprika.

Sa ganitong klase ng panahon, parang ang sarap gayahin nung lumang-lumang patalastas ng Nestea kung saan may isang lalaking maglalatag ng asul na kumot sa ibabaw ng damuhan. Pagkatapos ay iinom siya ng Nestea Iced Tea habang patalikod na bumabagsak sa nilatag niyang kumot. At sa minuto na dumikit ang katawan niya sa kumot, e biglang may magtatalsikan na tubig! Naging swimming pool na pala yung kumot!

Sinubukan ko na to dati nung bata ako, bukol ang inabot ko. Hindi ko na tuloy nasabi ang pariralang "Nestea, take the plunge!" sa dulo.

Sa loob ng isang araw nakaka-apat na ligo ako: una, pagkagising; pangalawa, pagkatapos ng tanghalian; pangatlo, pagkatapos ng hapunan at pang-apat, bago humimlay sa kama. Ayos, ang sarap ng pakiramdam!

Kaya lang dahil apat na beses akong naliligo, e apat na beses rin akong nagpapalit ng damit. Kaya naman kanina pagbukas ng aparador e hindi na ako nagtaka na wala na pala akong malinis na brip na maisusuot.

Sinubukan kong magsuot ng mga shorts na may built-in na brief --hindi maganda, maluwag, walang suporta. Minsan lumulusot sa gilid ang hindi dapat lumusot. Kaya...

Napagdesisyunan ko na huwag na lang magsuot ng ganung tipo ng short. Kaya naman ang istatus ko ngayon e "going commando" o "free-balling." Presko kasi malayang nahahanginan. Ang problema lang e kapag nagsimula ng pawisan "iyon." Dahil walang sumisipsip ng pawis ko "doon" e parang basang sisiw lagi ang alaga ko. Kawawa naman.

Pahiram naman ng brip.